ٱلْقَارِعَةُ

(زمین و آسمان کی ساری کائنات کو) کھڑکھڑا دینے والا شدید جھٹکا اور کڑک،

مَا ٱلْقَارِعَةُ

وہ (ہر شے کو) کھڑ کھڑا دینے والا شدید جھٹکا اور کڑک کیا ہے،

وَمَآ أَدْرَىٰكَ مَا ٱلْقَارِعَةُ

اور آپ کیا سمجھے ہیں کہ (ہر شے کو) کھڑ کھڑا دینے والے شدید جھٹکے اور کڑک سے مراد کیا ہے،

يَوْمَ يَكُونُ ٱلنَّاسُ كَٱلْفَرَاشِ ٱلْمَبْثُوثِ

(اس سے مراد) وہ یومِ قیامت ہے جس دن (سارے) لوگ بکھرے ہوئے پروانوں کی طرح ہو جائیں گے،

وَتَكُونُ ٱلْجِبَالُ كَٱلْعِهْنِ ٱلْمَنفُوشِ

اور پہاڑ رنگ برنگ دھنکی ہوئی اُون کی طرح ہو جائیں گے،

فَأَمَّا مَن ثَقُلَتْ مَوَٰزِينُهُۥ

پس وہ شخص کہ جس (کے اعمال) کے پلڑے بھاری ہوں گے،

فَهُوَ فِى عِيشَةٍۢ رَّاضِيَةٍۢ

تو وہ خوش گوار عیش و مسرت میں ہوگا،

وَأَمَّا مَنْ خَفَّتْ مَوَٰزِينُهُۥ

اور جس شخص کے (اعمال کے) پلڑے ہلکے ہوں گے،

فَأُمُّهُۥ هَاوِيَةٌۭ

تو اس کا ٹھکانا ہاویہ (جہنم کا گڑھا) ہوگا،

وَمَآ أَدْرَىٰكَ مَا هِيَهْ

اور آپ کیا سمجھے ہیں کہ ہاویہ کیا ہے،

نَارٌ حَامِيَةٌۢ

(وہ جہنم کی) سخت دہکتی آگ (کا انتہائی گہرا گڑھا) ہے،